دەستکەوتەکانی کۆمپانیا

کۆمپانی که‌یوان‌مورغی په‌ڕته‌ڵایی مه‌هاباد

کۆمپانی که‌یوان‌مورغی په‌ڕته‌ڵایی مه‌هاباد، چالاکی خۆی له‌ ساڵی 1984 به‌ چێ‌کردنی یه‌کانه‌یه‌کی په‌روه‌رده‌‌کردنی مریشکی گوشتی به‌ ڕاده‌ی 5000 پارچه‌مریشک، له‌ ژێر ناوی "کۆمپانی ئارمانی ماکییان" له‌ هاوێنه‌هه‌وارێک و له‌ که‌ش‌وهه‌وایه‌کی خۆشی باشووری پارێزگای ئازه‌ربایجانی ڕۆژاوا له‌ باژێڕی مه‌هاباد ده‌ست پێکرد. هه‌نووکه‌ ئه‌م کۆمپانییه‌ به‌ خاوه‌نێتی 5 یه‌کانه‌ی په‌رورده‌ کردنی مریشکی گوشتی به‌ ڕاده‌ی 290000 پارچه‌، ده‌ ساڵێ‌دا، 3500 تن گۆشتی سپی به‌ باشیترین شێوه‌ دێنێته‌ به‌رهه‌م.  ئه‌م کۆمپانییه‌ یه‌که‌م هه‌نگاوی له‌ بواری په‌روه‌رده‌ کردنی مریشکی دایک، له‌ ساڵی 2001،‌ چێ‌کردنی یه‌که‌مین یه‌کانه‌ی به‌رهه‌مهێنان به‌ قه‌باره‌ی 35000 پارچه‌ له‌ سه‌ر زه‌وییه‌کانی ده‌وروبه‌ری گوندی "دۆستاڵی"ی مه‌هاباد بووه‌ و به‌ گه‌شه‌ و زێده‌ کردنی یه‌کانه‌کانی خۆی تا 5 یه‌کانه‌، هه‌نووکه‌ بارستایی کۆی یه‌کانه‌کانی به‌رهه‌مهێنانی ئه‌م کۆمپانییه‌ بۆته‌ 173000 مریشکی دایک و به‌رهه‌مهێنانی 30000000 ده‌نک هێلکه‌، بۆ جووچکه‌‌هه‌ڵێنان و 24000000 جووچکه‌ی یه‌ک‌ڕۆژه‌ی گۆشتی.  ئه‌م کۆمپانییه‌،  ساڵی  2007 له‌ ڕه‌وتی په‌ره‌‌پێدانی به‌رهه‌مهێنان و به‌ ئامانجی پشتیوانی له‌ یه‌کانه‌کان و دابین کردنی خۆراک و دانه‌وێڵه‌ی خودی کۆمپانی و کۆمپانییه‌کانی تر له‌م بواره‌وه‌‌ و هه‌روه‌ها کارخانه‌ی خۆراکی ئاژه‌ڵ و په‌له‌وه‌ر و ئاوه‌ژییان به‌ به‌رهه‌مهێنانی له‌ ساڵێ‌دا زیاتر له‌ 60000 تن، هه‌موو جۆره‌ خۆراکێک بۆ ئاژه‌ڵ، په‌له‌وه‌ر و ماسی و ئاوه‌ژییه‌کان له‌ کیلۆمه‌تری 12ی ڕێگای مه‌هاباد ــ بۆکان، چالاکییه‌کانی خۆی ده‌ست پێکرد.  کۆی یه‌کانه‌کان و بینای به‌رهه‌مهێنانی ئاماژه‌‌پێکراو، له‌ په‌ڵه‌زه‌وییه‌ک‌دا به‌ بارستایی 70 هیکتار بونیاد نراوه‌. سه‌ره‌ڕای ئه‌وه‌ له‌ زه‌وییه‌کی 60 هێکتاری‌دا هه‌ستاوه‌ به‌ به‌رهه‌مهێنانی هه‌موو جۆره‌ میوه‌یه‌ک به‌ شێوازێکی ته‌واو مودێڕن و مکانیزه‌ به‌ که‌لک وه‌رگرتن له‌ پاراو کردن و ئاوداشتنی دلۆپه‌یی و ژێرگوشار.  له‌ ڕه‌وه‌ندی گه‌شه‌ و په‌ره‌‌پێدانی پرۆسه‌ی به‌رهه‌مهێنان‌ له‌ ساڵی 2001 دا، ئه‌م کۆمپانییه‌ هه‌ستا به‌ چێ کردنی کارخانه‌یه‌کی په‌روه‌رده‌ی جووچکه‌ به‌ که‌لک‌وه‌رگرتن له‌ 3 ده‌زگای په‌روه‌رده‌ و هه‌ڵێنانی جووچکه له‌ گوندی "دۆستاڵی". هه‌نووکه‌ ڕاده‌ی ئه‌م ده‌زگایانه‌ گه‌یشتوونه‌ته‌ 12 ده‌زگای  JIMES WAY که‌ بارته‌قای به‌رهه‌مهێنانی ده‌ ساڵێ‌دا 15860000 جووچکه‌یه‌. کۆمپانیای "که‌یوان‌مورغی په‌ڕته‌ڵایی" مه‌هاباد له‌ ڕه‌وتی په‌ره‌‌پێدانی سیسته‌می یه‌ک‌پارچه‌یی و یه‌ک‌ڕێزیی به‌رهه‌م‌هێنان، له‌ جۆزه‌ردانی ساڵی 1393 هه‌ستا به‌ سه‌رمایه‌‌گوزاری و کڕینی 780 به‌شی کۆمپانیای جێ کوشتاری پیشه‌یی "کیمیامورغ"ی شاری میاندواو.  ئه‌م یه‌کانه‌یه‌ له‌ هه‌شت کیلۆمه‌تری مه‌ودای نێوان ڕێگای میاندواو و بۆکان له‌ ساڵی 1377 دامه‌زرا و چالاکی خۆی ده‌ست پێکرد. بارته‌قای ئه‌م کو‌شتاره‌ی له‌ کات‌ژمێرێک‌دا له‌م یه‌کانه‌یه‌ ده‌کرێ 2000 مریشکه‌. ئه‌م جێ کوشتاره‌ خاوه‌نی ئامێره‌کانی ته‌واو ئۆتوماتیک و خۆکار و "ئیسکالده‌ر" ـــ ئامێری توڕهه‌ڵدانی ناو زگ و هه‌ناوی مریشک ـــ چیله‌ر و هه‌روه‌ها خاوه‌نی به‌شه‌کانی پێوه‌ند به‌ پێچانه‌وه‌ و که‌رت‌کردنی مریشکه‌. به‌ مه‌به‌ستی ڕاگرتن و ئه‌نبار کردنی کۆی به‌رهه‌مه‌کانی، خاوه‌نی 2 ڕه‌هه‌ندی ساردوسڕه‌ بۆ‌ جێ‌کردنه‌وه‌ی 40 تۆن له‌ ڕۆژێ‌دا و ساردخانه‌ی ژێر خاڵی سیفری، بۆ جێ‌کردنه‌وه‌ و ڕاگرتنی 500 تۆن له‌ به‌رهه‌مه‌کانێتی.  ئه‌م کۆمپانیایه‌ خاوه‌نی باشگایه‌کی وه‌رزشییه‌ به‌ قه‌واره‌ی 540 مه‌تری‌چوارگۆشه‌ی هوڵی سه‌رداپۆشراو که‌ له‌ بواری ورزشه‌ جۆراوجۆره‌کان به‌تایبه‌ت وه‌رزشه‌ ڕه‌زمییه‌کان و تۆپی‌ پێ چالاکی هه‌یه‌. زه‌وییه‌کی چیمه‌ن‌کراوی تایبه‌تی به‌شێکه‌ له‌و تایبه‌تمه‌ندییانه‌ که‌ بۆ وه‌رزشی تۆپی‌ پێ له‌ به‌رچاو گیراوه‌.